2016年8月30日星期二

[飲食] 抺茶的天堂

已經是第二次來京林屋了，想再來的原因，除了想吃綠茶，還很喜歡這裏的環境。

中秋節還推出了精緻玉兔月餅禮盒。

裝修還是一樣以木色為主，天花板上掛滿白色的樹木。今次選擇下午時間來，沒有太多客人。

翻開menu盡是抹茶的食物，蛋糕、雪糕、芭菲、蕨餅、布丁、麵類及茶類，種類都頗多。

抹茶蕎麥麵 (熱) $78 之前試過冷的蕎麥麵，所以今天嚐嚐熱的，配菜有醃蘿蔔，湯內有很多小蘑菇，上面灑上紫菜絲，蕎麥麵的抹茶味不算太濃，但麵質彈牙爽口，湯底味道帶有咸香，感覺剛剛好又不會太咸，熱食的麵質比冷食腍身一點，整體都是很好吃。

培茶啫喱雪糕 $58 培茶是星期五、六及日限定的，難得星期日來，所以必試。影完相後要快點吃，因為雪糕很快溶，軟雪糕很幼滑，除了培茶的味道外還帶有一點奶香，感覺甜甜的，底下還有培茶的啫喱，有點像涼粉。

迷你抹茶芭菲。配自選茶 $98 之前吃過香港限定的芭菲，今次試試迷你版，內有白玉、蕨餅、紅豆、啫喱及士多啤梨醬。蕨餅煙煙韌韌，入口濕潤，沾上抹茶雪糕後很香抹茶味。抹茶雪糕十分香滑，抹茶味道不算很突出，反而奶味較重一點，內𥚃的紅豆夠甜，白玉軟身又有嚼勁，每層都可吃到不同的口感，分量少少的很適合女生。

抹茶芝士蛋糕。配自選茶 $108 芝士蛋糕入口黏黏的，芝士味濃郁，雖有點蓋過了抹茶的味道，餅底鬆脆，如抹茶味再濃就屬於質素高的cheese cake。附有一球抹茶雪糕，吃下帶有抹茶的甘香，夾著旁邊的紅豆及白玉吃也不錯。

選了set可以配一款茶，廚師已預先泡好第一浸茶，聞落去味道已經好香，一壺共可以沖三杯，還附有說明教客人如何泡茶，旁邊的漏斗用來提醒客人茶泡30秒便夠，在這種環境下品茶確實是一個享受。

葡萄煎茶 這杯感覺上比較怪怪的，聞落去葡萄味很甜很出眾，但喝入口好像有點與茶不相配。

桃味培茶 很好飲，飲落清甜有桃的味道，桃的味道不會蓋過茶香，可喝到培茶的清香。

每次來到這個抹茶的天地，都感覺份外輕鬆。

京林屋

銅鑼灣軒尼詩道500號希慎廣場6樓603-604號舖

Email: joeylo0914@yahoo.com.hk
FB: https://www.facebook.com/joeylofoodie/
IG: https://www.instagram.com/joeylofoodie/
Blogspot: http://joeylofoodie.blogspot.hk/
Ublog: http://blog.ulifestyle.com.hk/blogger/joey0914/
BE: http://www.beautyexchange.com.hk/blog/Joeylolo
Qooza: http://blog.qooza.hk/joey0914
She: http://blog.she.com/joey0914/

2016年8月26日星期五

[飲食] 粒粒紅豆迷你月餅

今日收到朋友送既寶湖集團月餅😍

住港島區嘅人對寶湖酒樓應該會比較熟d，因為佢分店多數喺港島區嗰面。

寶湖算係比較傳統嘅一間店，原來今年佢地大改革，月餅盒改用日本design，表面係凹凸紋嘅花花，感覺上young好多。
試咗雙黃白蓮蓉同埋粒粒紅豆月餅

雙黃白蓮蓉就同平時嘅月餅差唔多，外脆內軟，蓮蓉份量都幾多，甜度剛剛好，入口都幾軟滑，至於個蛋黃幾有油香，不過傳統月餅我都係冇特別喜好。

比較特別嘅係粒粒紅豆迷你月餅，除咗冰皮月餅之外，未試過傳統月餅都有紅豆餡，本來以為會好甜，但原來唔係，而且都幾好味，因為佢比一般月餅細，入口嘅口感有啲似蓮蓉，但就冇蓮蓉咁漏，而且仲可以食到粒粒紅豆餡，個鐵盒仲要係圓形嫁😳，每罐有2個，啱哂送比朋友，都夠哂得體。雙黃白蓮蓉4個裝 $178 粒粒紅豆迷你月餅2個裝 $48 $48就送至月餅比人，好平~~

寶湖海鮮酒家

中環租庇利街1號喜訊大廈1-3樓

2016年8月25日星期四

[身體護理] 美足除枕修護套裝❤️LCN

自從做咗護士之後，除咗令我既經期變得不規律，另外一個轉變就係對腳。

每日返工成八個鐘，有時基本上忙到無晒得停，行得多自然對腳起晒枕同死皮，以前白白滑滑嘅腳已經不在，諗起都令人傷心。

近排收到一隻新產品<德國LCN足部除枕修護套裝>，試完解決咗我嘅問題。

成個過程有幾個step，先將除沈液滴落有枕/死皮厚既地方，滴左落去之後聞到一陣酒精嘅味道，感覺都幾涼快。

吸收好晒之後就用專用嘅腳挫粗糙面磨走枕及死皮，再用幼滑嘅一面磨返平對腳。真係磨到好多死皮出嚟，同埋磨落去唔會痛。

之後要去洗腳，用果酸磨砂膏洗走埋剩餘嘅死皮，洗完可見對腳白滑左。

最後，等對腳乾咗就可以搽上寶芯軟枕滋潤霜，啫喱狀而且好香，搽完對腳會好油，要等一陣先吸收晒。

軟枕液 $190-蘊含黃甘菊精華，能軟化腳底及腳趾邊皮位置的厚枕及粗糙死皮，更能滋潤雙足，辟除足部異味。

腳挫 $75-有粗幼兩面。

果酸磨砂膏 $190-含優勢磨砂顆粒及5%天然果酸，有效清除死皮的同事跟可漂白肌膚，行綠茶及海藻精華，促進新陳代謝滋潤及補充肌膚水份。

寶芯軟枕滋潤霜 $190-蘊含黃甘菊及維他命B2，促進細胞新陳代謝，滋潤粗糙及乾燥爆裂皮膚令皮膚回復柔軟細緻。

(before)

(after)

估唔到效果咁顯著，對腳即時滑左，不過唯一唔好處係整嘅時候好容易滴落地下，搽完腳又會令地板有油，之後要清潔返，要真係好得閒坐喺度先可以慢慢整。而家做緊promotion $500/set，首次登記仲有$50送，所以$450就買到了。

Sponsor by LCN: https://www.facebook.com/LCN.Asia/?fref=ts

Email: joeylo0914@yahoo.com.hk

FB: https://www.facebook.com/joeylofoodie/

IG: https://www.instagram.com/joeylofoodie/
Beautyexchange: http://www.beautyexchange.com.hk/blog/Joeylolo

Qooza: http://blog.qooza.hk/joey0914

Blog: http://joeylofoodie.blogspot.hk/