2016年5月30日星期一

[飲食] 親親比利時

今日去咗一間好靚嘅餐廳，如果唔係朋友介紹，都唔知希雲道開咗間咁有特色嘅餐廳。

就咁睇門面已經同成條街嘅食店有所不同，入到去樓底極高，有木製餐桌及彩繪玻璃窗，座位寬敞，有一個好大嘅酒吧，圍住一行吧椅，唔同嘅酒類同酒杯互相輝映，令到成個酒吧閃閃生輝。

酒類嘅Menu竟然比主菜更多，可見Frites以酒為先，看到全部英文嘅Menu，有選擇困難症的我，真的不知如何揀。

桌子上放了不同種類的醬料。

Steak Tartare

Steak Tartare $185
生牛肉他他係自己近期最愛，厚厚既牛肉山，再配上脆多士。先將生牛肉上既蛋篤穿，再撈勻牛肉，然後搽上多士食。牛肉完全無腥味，而且非常腍口同滑，加上香脆既多士，口感獨特。

Frites House Mussels

Frites House Mussels (1/2kg) $235
其實青口已經有6款可以揀，可見餐廳主打菜式係青口。可以揀1/2kg或者1kg，而呢個味道係店員推介比我，估唔到都幾好食，一個大煲載住滿滿既青口，有廿幾隻咁多，而且仲有好香既湯浸住，材料有蕃茄、蒜、洋蔥、忌廉同韮黃。飲落去湯好creamy，青口亦都好大粒，而我就鐘意打開青口殼，用殼載住湯再食青口，十分鮮甜。旁邊仲有麵包同埋薯條。比利時薯條同一般薯條冇乜分別，麵包好脆，搽上牛油之後味道提升，連埋湯一齊食一流，餐廳既麵包真係好好食。

750 Gram Roasted Pork Knuckle

750 Gram Roasted Pork Knuckle $245
大大隻豬手上枱時已經切好，所以食既時候已經唔駛花心思去切。一般既豬手對放配菜都唔著重，但呢度既豬手即使配菜都好充足。五顏六色既配菜有大量脆肉瓜，蘿蔔，薯仔伴碟，唔會得豬手咁齋，配菜焗得腍身，盡吸收豬手的精華，很好吃。講番豬手，皮夠香脆，脂肪同肉既比較均勻，肉汁豐富，而且夠大碟，一班人share食就岩晒。

Hot Chocolate Fondant

Hot Chocolate Fondant $90
心太軟一篤開，入邊的朱古力醬便立即湧出來，蛋糕鬆軟濕潤，朱古力味香濃，吃過甜甜的心太軟很滿足。

兩個人食咁多野，真係飽到行唔郁，食物環境都咁正，環境寧靜適合傾計，下次要再介紹朋友黎食。

題外話/補充資料

店員服務態度親切友善，會比意見客人應該揀咩食物，仲主動幫客人影想😂

平日下午3:00-7:00 Happy Hour 時段以半價供應生啤、精選葡萄酒及烈酒。

FRITES Belgium on Tap

銅鑼灣希雲街38號曦巒地下1號舖

2016年5月28日星期六

[飲食] 海中寶非常吸引*

朋友說要吃泰菜，但又唔鍾意九龍城嘅級數，話要更高級，而且又要夠正宗，說着說着就跟左佢嚟到泰燒遙。

泰燒遙係諾士佛台，地點來說算是高級吧，入到去都見到好多外國人，而家先知原來外國人都識食泰菜。

泰燒遙的格局與一般泰菜不同，感覺較高尚一點，泰國小擺設也不少。餐廳在當眼位置放了一個海鮮吧，上面有各式海鮮，另一面放了很多不同種類的肉類，供客人選擇來燒，看到店名有個燒字，大概泰式燒烤亦是此店的出名物。

另一邊是酒類，選擇都不少。

看到母親節新出的海中寶好吸引，見人多叫哂兩個黎試下。
Meun中竟然有各式醬汁的名稱，泰呷醋、泰嬌嗲，令大家都哈哈大笑。

泰式生蝦刺身

泰式生蝦刺身 $128
大家都很肚餓了，先來個生蝦刺身，每次我吃泰國菜，生蝦都是必點的，但這裏的生蝦較為特別，是一杯杯上的，生蝦混上了薄荷葉，味道又香又辣，生蝦很大隻，而且肉質結實彈牙，中間還有一串串的蒜可自行添加。

燒豬頸肉沙律

燒豬頸肉沙律 $98
豬頸肉份量很多，薄切的方式令其更容易混上醬汁，醬汁的味道又辣又香口，光吃豬頸肉又不會很飽肚，很快便清碟了。

燒遙海中寶(冷盤)

燒遙海中寶(冷盤)
看到這個冷盤，大家都不禁"嘩"了一聲，很大盤而且很多海鮮，有魷魚、帆立貝、蟶子、虎蝦、青口、大蜆及翡翠螺，重點是海鮮上灑滿了超惹味的泰式醬汁(紫天椒、蒜頭及莞茜)，又酸又辣，店員介紹海鮮是先焯熟然後再拿去蒸，帆立貝很大粒又鮮甜，蟶子盡吸收了泰式醬汁的精華，龍蝦肉又爽又彈牙，每一樣海鮮我都愛不釋手，海鮮旁邊還有流心蛋，原來甜味可以中和辣味。

燒遙冬蔭功海中寶(熱盤)

燒遙冬蔭功海中寶(熱盤)
這個熱盤是冷盤的延續版，上面的海鮮差不多，只是多了豬肉，除了轉為熱食外，還會淋上熱辣辣的冬蔭公，反而這次冬蔭公不是很辣，椰汁味比辣味更濃，所以較易入口，另外底部還藏有金邊粉，吃海鮮之餘還有粉吃，如果冷盤是前菜的話，這個就是主食，雖然兩個海中寶的海鮮是一樣，但兩者的感覺完全不同，兩個都很值得試。