[飲食] 令人好溫暖的日式燒肉店♥

放工突然好想食燒肉，老公話佐敦有間日式燒肉唔錯。

0

已經預先book左枱，所以盲中中跟左佢黎。

0

和匠成間店以木為主，門採用趟門，比較日式，入面唔算好多枱，所以黎之前最好先訂位。

0

枱面有3款醬汁可以點: 柚子醋，燒汁同芝麻醬。
柚子醋可以中和肉類既油膩，燒汁就主要用黎點肉類，芝麻醬就可以點蔬菜。
柚子醋出面好少有得點，而且點左令到燒物味道更加提升，最後我大部食物都係點柚子醋

0

1

1

0

有套餐亦有散叫，價格有平有貴，選擇貴的可以吃更高級的質素，不過我哋今日選擇咗散叫。

0

日本酒選擇都唔少。

0

芥辣八爪魚粒

芥辣八爪魚粒 $48
八爪魚粒辣辣地，又唔算好辣，入口好滑，用匙羹來食，會食到微微嘅芥辣味，唔會好攻鼻，咬落又幾彈牙，係一個好開胃嘅前菜。

0

日本安曇野豆腐沙律

日本安曇野豆腐沙律 (胡麻醬) $62
沙律菜好新鮮，混上胡麻醬好滋味，中間嘅豆腐豆味較濃，入口好滑，感覺好似入口即溶，雖然食燒烤好油膩，但食之前食返個沙律，可以減低罪疚感。

0

味淋雞泡魚干

味淋雞泡魚干 $58
比較特別嘅小食，食落口有啲似魷魚乾，但係比魷魚乾更有肉汁，將雞泡魚干沾上沙律醬後，令到整碟都好惹味，用黎送啤酒一流。

0

鐵板最高溫度為300度，留意到店員幫我地燒既時候會經常轉動鐵板，目的係令到溫度平均d。

0

美國Prime牛小排

美國Prime牛小排 $128
雪花分布很平均，牛小排應該先燒至一邊出血水，才反轉另一邊再燒，令到牛小排燒至外脆內軟。

0

咬落牛小排肉汁好多，而且牛味濃郁，非常美味。

0

美國Prime牛角切

美國Prime牛角切 $168
牛角切應該不停在鐵板上滾動，才可以令到每邊都燒得均勻，而且鎖住入邊的肉汁。

0

牛角切本身的色澤已經好吸引，燒完入口感覺似一口牛肉，肉質好鮮嫩，要閉上嘴巴感受一番。

0

鹽燒豚腩肉

鹽燒豚腩肉 $80
店員教我地燒豬肉要先燒到一面出水，之後先再反轉另一面燒，到另一面都出水後豬肉便燒完了。

0

即刻試下先，豚腩肉真的燒得剛剛好，入口帶少少鹽味，肥瘦適中，咬落幾有咬口。

0

特大緬甸虎蝦

特大緬甸虎蝦 $240
大蝦超級巨型，大過我隻手掌，睇得出虎蝦好新鮮，蝦頭佈滿蝦膏。

0

師傅預先喺背脊位切開，一來易熟d，二來可以令蝦企喺爐面燒，最後用左10分鐘先燒完成隻蝦。

0

燒完後好容易拆開個蝦殼，入面好多蝦肉。

0

0

虎蝦肉質好彈牙，啖啖肉，直接食已經可以食到其鮮味。

0

海膽炒飯

海膽炒飯 $108
炒飯炒得夠乾爽，面頭嘅海膽好新鮮，飯粒中間有帶子，青椒同埋胡蘿蔔，感覺亦較健康。

0

食完燒肉，再食返個炒飯真係好滿足。

0

波子汽水

波子汽水 $28
選擇左波子汽水(檸檬味)，解渴又好飲。

感覺到呢間烤肉店比較家庭式，店員亦好helpful，經常會主動幫客人燒肉，仲會教客人點樣燒先啱。因為平時一般燒肉店既店員好少會主動理客人燒成點，同埋好少幫客人燒，所以黎到呢度特別覺得warm。經過今日之後，我燒肉既技巧提升左好多，唔會再好似以前咁因為燒得唔好而浪費左質素高既肉類。so happy

和匠日式燒肉店

佐敦長樂街23-27號德威大廈地下3號舖