[飲食] 食得夠燒魂*

今日全日都落住雨，約了友人到尖沙咀shopping ，行行下覺得又攰又餓，想食個大餐，最好就任食，咁凍既天氣，食燒肉就最好不過。

0

見到燒魂個燈箱就令我地流哂口水，於是就揀咗呢間。

1

我們兩個女仔，食平日8:15-10:15時段，價錢268另加一服務費。

0

入面都好多座位，每枱都有一個爐，地方幾闊落，不過地板有d油，可能因為油煙多加天雨路滑，要小心d行。我地被安排坐梳化坐，可以望到街外既風景。每人都有三款不同味道的醬汁供沾肉時吃，有燒肉汁，泰式青辣汁及辣醬。

1

枱面有個小箱子放點餐紙，Menu肉類既選擇好多，牛既每個部位都有，除咗肉類多之外，食物種類亦很多，有十幾張點菜紙揀不完。

兩個女仔食唔到好多野，雖然有壽司刺身可以吃，但我地主供燒肉，所以每款牛肉都點左幾件黎試吓。

0

之前已經聽說這裏的牛肉質素不錯，果然不負眾望，牛肉很大盤，呈鮮紅色，望落已經極其吸引，不是普通的質素。

0

❤️黑霧霜降和牛，肉汁豐富，咬落亦不韌，十分Juicy。

❤️汁燒安格斯一口牛，紋理清晰可見，入口牛味濃郁。

❤️黑椒一口牛肋肉，脂肪比例分布均勻，肉質亦夠嫩。

❤️熊本一口和牛，細細粒容易熟，啱啱好一口食哂。

❤️青檸蒜味牛舌，咬落爽口，不過蒜味不夠重。

咁多種牛肉，食到都分唔到邊種打邊種😂

0

相比牛肉，其他肉類稍為遜色，不過黑豚腩肉及雞中翼亦不錯。

❤️黑豚腩肉，薄切，燒一會兒便變得脆口，

❤️雞中翼燒後十分脆，而且醃得夠入味。

0

這樽鹽令到肉嘅鮮味更出

0

❤️北海道香草牛油帆立貝，大粒且肉厚，附有牛油在旁，溶化後令帆立貝更加香。

❤️日本小玉貝，燒起上黎好易出水，夠新鮮。

❤️有機超甜菠蘿，好甜又多汁

0

❤️燒牛油粟米，粟米好甜

0

韓式餃子鍋，炸脆了的餃子浸在湯內變得淋了，所以餃子不好吃，反而鍋入邊的菜酸酸甜甜，可中和燒肉的油膩。

0

每人只包一罐飲料，如果再叫要另外比錢，而且價錢很貴，我就揀左黑糖薑茶，消除熱氣。原來呢度不設有甜品，所以我地再叫多幾片菠蘿黎燒當甜品，如果餐廳可以加設甜品就更好了。發現了原來換燒烤網都要加＄30， 每人有一次機會換會比較好。

這裏肉類質素不錯，價錢不算貴，可再encore！


燒魂一
尖沙咀漆咸道南57-59號金馬倫中心2樓

[飲食] 九龍城的泰菜以外

九龍城貴為香港的泰國野集中地已經眾所皆知，今日同我一齊係九龍城搵食果位竟然話最近食得多泰菜要食其他，真係考起我。

0

好在行過一間鋪佢竟然話想試 ......

其實越菜同泰菜咪差唔多，不過佢話唔一樣咪唔一樣😂

0

呢間入面座位唔多，店內主要以白色為主

0

枱上放左醬汁比客人自己點

0

餐牌種類都幾多，價錢唔算，貴粉麵套餐都係$40-$50

0

特式拼盤 $98

都幾多野食，有4樣野，一次過滿足哂4個願望: 沙律，串燒，扎肉，春卷。沙律清清地，作為前菜可以開開胃。串燒可能燒的時間多了點，口感有少少硬，點返多d醬汁好味d。扎肉味道唔錯，切得不厚，方便入口，還可以配合湯河食。春卷就整得很出色，皮夠薄，炸得香脆，餡夠多，熱辣辣點埋酸汁好醒胃！

0

0

生牛肉湯河 $46

越式食物既代表，上枱時已經見湯底是濃濃的啡色

0

而香味隨之而來。牛肉還是紅色的，好快，生牛肉已已比熱湯煮熟。還有湯內的洋蔥令口腔保持清新地去享受牛肉！

0

炭燒豬排湯河 $46

這個湯底比起生牛肉湯河清一點，大量蔥花和芽菜為湯底生色不少。

0

豬排大件又煎得夠香口，放在湯上又減少了豬排熱氣既感覺，而且那種豬排香，又隨隨滲入湯裡面。

0

馬拉盞炒菜 $45

比起一般餐廳食的份量還要多。雖然如此，但菜沒有因份量多而難食，菜也沒有老的口感，食落爽口，而且馬拉盞味也不會太強烈。

0

青檸梳打

跟餐仲有飲送，不過我加錢轉左青檸梳打，襯返杯越式飲料。

服務員態度都好好，幾有禮貌。

估唔到，九龍的泰菜以外，還有越菜！


新越越式料理
九龍城福佬村道41號地下

[飲食] 令我難以忘懷的咸豬手 *

經常同老公周圍搵食，所以早已忘記約會既感覺。今晚老公食飯話比個驚喜我， 十分期待！

0

搭𨋢上到嚟，見到一間好有情調的餐廳，已經有初初拍拖既感覺。

0

1

入面燈光昏暗，裝修有格調，唔會好嘈，好適合情侶拍拖。

0

Menu圖文並茂，好多都好吸引，可惜得兩個胃，叫唔到好多野。

香脆鹹豬手

0

香脆鹹豬手

香脆鹹豬手 $238

好大碟既豬手，本身冇特別鐘意豬手既我都被吸引住。用叉叉起豬手，層次分明。食後更加難以忘記佢既味道！

香脆鹹豬手

0

香脆鹹豬手

豬手既三層:皮，脂肪同埋肉一樣咁出色。先講皮，脆而不硬，一般豬手最難控制既就係皮，好容易因為過左火喉而變得硬。脂肪本身自己最唔鐘意食，但係呢個豬手既脂肪位係令我入口覺得好舒服，冇肥既感覺，好重骨膠原！肉煮得夠淋，肉嫩。

香脆鹹豬手

0

香脆鹹豬手

有三種醬汁可點，芥末，酸椰菜和燒烤醬，沾上令豬手更加惹味。

鵝肝黑松露醬意大利麵

0

鵝肝黑松露醬意大利麵

鵝肝黑松露醬意大利麵 $128

鵝肝煎得夠香，入口即溶。意粉夠creamy，入口質感覺得好滑，硬度適中，同埋一d都唔乾，大量雜菌同埋黑松露既配合，味道得以再提升。即使食完，個味道都仲留係口腔！

招牌水果茶

0

招牌水果茶

招牌水果茶 $42

有蠟燭底座暖住保溫，果味濃郁，甜得黎帶小小澀。

招牌水果茶

0

招牌水果茶

茶倒出嚟會有煙出，茶壺入面有青蘋果，橙，同埋蘭香籽，熱飲好暖胃。

紫薯火鍋

0

紫薯火鍋

紫薯火鍋 $88

一般食開都係朱古力同芝士，呢度竟然有紫薯味咁特別，好多唔同配料可以點，生果比較新鮮。

紫薯火鍋

0

紫薯火鍋

不過個人覺得綿花糖最能突出紫薯味道。仲有黑色既puff 同麻薯，麻薯有雲尼拿，朱古力同綠茶味，就咁食都好煙韌。

好開心今日食到咁有質素既餐廳，期待下次再有機會食。


Espuma
灣仔皇后大道東202號QRE Plaza 25樓

[飲食] 朝聖一下

Next station dessert 已經想食左好耐

1

因為佢甜品款式比較特別，可惜每次經過都見到排大長龍，咁橋今日落雨，去到唔洗排隊，所以就即刻衝入去試下。

0

0

入面有分兩個區域俾人坐，座位都算幾多，外面係以吧枱高桌為主，廚房係開放式。

0

0

望住menu每樣都好想試，因為好多款式都好少有，咁我就揀咗其中兩樣比較出名嘅黎試吓。

0

一開始每人有一杯水

0

Test Tube 2.0 $68

0

最左手邊係Oasis(椰子奶凍,菠蘿慕絲)，上面係半片乾檸檬，面頭係一粒粒椰子奶凍，下層係菠蘿mousse，椰子奶凍呈乳白色，入口有淡淡嘅椰子味，下邊嘅菠蘿mousse入口酸酸甜甜，椰子奶凍同菠蘿mousse真係出奇地夾，入口異常香滑。

0

中間係伯爵紅茶奶凍，上面有一層泡沫，下面係紅茶奶凍，入口有一貫慣常伯爵紅茶的味道又帶點點奶茶味。

0

特濃朱古力慕絲，上面係白朱古力碎，中間有少少紅莓醬，最底層係朱古力mousse，特濃朱古力嘅朱古力味超濃，入口mousse非常軟滑。

0

栗香紫薯山

賣相好靚，上面有大大塊紅色嘅糖，一大條啡色嘅栗子醬橫跨整個碟面，影相出嚟好有霸氣。

0

紫薯味不算太濃，但紫薯下有鬆脆的餅底，配合栗子醬加杏仁的脆口，感覺有點滯及飽肚，但再吃一口上面的青檸雪芭後，滯的感覺突然消失，兩者配合得很好，果然不錯！

走嘅時候，見到隔離枱叫咗每人一個芝士撻拎住一齊影相，又幾正喎，下次可以成班fd黎食撻。


Next Station Dessert
旺角黑布街13號地舖

[飲食] 吃得到的辣*

呢幾日天氣咁凍，朋友話不如食啲辣野暖下胃，就提議不如食四川菜，於是book咗尖沙咀嘅川𤋮樓。

0

招牌紅色，入面亦好有中國feel

0

中間有三大張圓枱，兩邊有幾張四人台。

0

店內採用嘅茶叫苦蕎茶，係一種炒米茶，呈青色，有助降低血糖同埋血壓，好健康。

1

餐牌大部分食品都係辣既

椒麻鹽水蝦

0

椒麻鹽水蝦

椒麻鹽水蝦 78

係一個冷盤，似沙律蝦，杯底有好多細粒嘅青瓜，蝦肉咬落好爽口，整個感覺好輕盈好fresh，作為前菜非常醒胃。

冰鎮翡翠螺

0

冰鎮翡翠螺

冰鎮翡翠螺 98

翡翠螺好大隻，食落好新鮮爽口，可以配上芥辣同豉油。

麻辣冷鍋魚

0

麻辣冷鍋魚

麻辣冷鍋魚 208

好大鍋，好美味，因為魚肉好完整，冇煮到爛晒，帶少少麻辣味，冇腥味，令人忍唔住一口接一口食晒成煲野，煲底有薯粉，煙煙韌韌令人好飽。

辣子生蠔

0

辣子生蠔

辣子生蠔 248

成盤紅色，上面有大量乾辣椒同香料，生蠔好肥美，冇因為炸完而縮細咗

辣子生蠔

0

辣子生蠔

炸粉唔厚，唔會太肥膩，帶點微辣。

蜀香啤酒鴨

0

蜀香啤酒鴨

蜀香啤酒鴨 $168

雖然佢叫啤酒鴨，但係佢一啲啤酒味都冇，適合任何年齡人士享用，鴨肉亦都頗多。

生炒牛肉飯

0

生炒牛肉飯

生炒牛肉飯 138

有啲似港式嘅楊州炒飯，飯炒得夠乾身，有鑊氣，可以中和其他食物嘅辣味。

泡椒娃娃菜

0

泡椒娃娃菜

泡椒娃娃菜 98

平時食開上湯浸娃娃菜，第一次食泡椒 娃娃菜，都有啲擔心會辣得滯，上枱見到有兩粒紅椒，食落去辣度係接受到嘅程度，娃娃菜浸得夠淋身，不錯。

我本身唔係好食得辣但都食到呢度既辣，下次可以再試吓挑戰其他。


川熙樓
尖沙咀亞士厘道17-19號2樓