Google+ Followers

2017年5月30日 星期二

驚喜滿載JC Room

今晚跟一班吃貨朋友吃飯,大家揀咗JC Room,原來喺元朗都幾出名,每次都排滿人龍,而呢間旺角係分店,地點方便好多。



因為新裝修,所有野都好新,玫瑰花牆壁,裝修有格調而且舒適,師傅由元朗轉到去旺角,食物質素依然保持水準。



Menu選擇好多,晚餐包括: 主菜,餐湯/沙律,咖啡或茶


北海道帶子紫薯意大利飯 $148
意大利飯配紫薯?! 聽到個名仲以為係一個伏黎,幻想中會又咸又甜,但原來好好食喎~ 因為紫薯唔會太甜,同咸咸地既意大利飯夾到,飯粒濕潤腍身帶黏口感,上枱係粉紫色...都幾sharp,紫薯味如果再突出d就更加好喇!


輕煎北海道帶子黑魚子茴香沙律 $108
北海道帶子用上Jumbo size...輕煎後好香,入口好鮮甜...沙律菜新鮮爽口~ 醬汁配上黑魚子味道好清新。


虎蝦黑松露忌廉汁闊蛋麵 $148
必點菜式之一!! 闊蛋麵處理得好好,唔會黏埋一齊,入口亦帶點彈牙,黑松露忌廉汁味道香濃,松露味唔會搶過忌廉味,好幼滑Creamy,而虎蝦都好大隻,份量十足。


醬烤西班牙黑毛豬仔骨伴菜絲沙律薯條 $188
老闆娘力推既菜式,燒得好香口,醬汁味唔會過濃,而且豬仔骨既肉同骨比例好好,唔會淨係得舊骨,薯條粗扁身,係廚師自己切同炸,每碟食物都充滿心思。


最後來一杯拉花咖啡,店內師傅係拉花高手,能夠在咖啡上拉出天鵝圖案,咖啡味道濃郁,咖啡專家話呢杯咖啡水準算高,估唔到每樣食物都帶比我驚喜,小店確有其吸引之處。