[飲食] 有質素浜燒

朋友最近升職加薪了，所以約左大家一齊出黎食豪d。

0

佢揀左漁獲浜燒，鐘意呢度有刺身又有燒野食。

0

0

入面唔係好大，建議想食要先book位，而每張枱都有一個烤爐，旁邊的醬汁係店員烤海鮮時使用的。

0

1

0

原來蝦都可以有咁多唔同種類。

0

出羽櫻 愛山 純米大吟釀 720ML $1080
經店員推介揀左呢款酒，入口不會很苦澀，帶少少香甜味，冇蒸氣令酒不容易揮發，酒精濃度不會太高，一枝足夠大家暢飲成晚。餐廳有特製酒套套住支酒，令到酒能保持衡溫。

0

前菜沙律 $20
椰菜沾上了帶有微辣的芝麻醬，上面再灑上脆脆，令到沙律好惹味，係一度好開胃既前菜。

0

沖繩風沙律 $138
嘩，好大盤，色彩繽紛，有魚生(八爪魚、三文魚、吞拿魚)，沙律菜，海葡萄同沖繩苦瓜，海葡萄質感好特別，入口帶點點爽口，沙律菜好fresh，魚生亦很新鮮，沖繩苦瓜比一般苦瓜甜，苦澀味不會太重，一向不吃苦瓜的我都能吃到。

0

冷奴(凍豆腐) $58
豆腐入口很滑，帶有豆的香味，上面有少許薑用來提味，好清新。

0

螢光魷魚塩辛 $68
看上去就好像生吃的魷魚，入口感覺滑滑，咬下去魷魚內的汁液會爆出，帶少少咸味，感覺幾特別。

0

五色刺身併盤
五色刺身全部切得很厚

0

油甘魚刺身 $98
油甘魚入口肉質彈牙，而且富有魚味，厚切得入口感覺啖啖肉。

0

生吞拿魚腩刺身 $488
生吞拿魚入口即溶，感覺像是在吃脂肪，咬後油脂在滲出，不禁閉上嘴巴回味一番，超正。

0

三文魚腩刺身 $78
三文魚腩油脂分布均勻，入口很肥美，吃得到濃濃的三文魚香。

0

三文魚籽刺身 $68
三文魚籽呈淡紅色，入口一咬，三文魚籽的汁液爆出，留在口腔的鮮味久久不散。

1

海膽刺身 $138(2份)
海膽入口即溶，吃得出很新鮮，包著紫菜吃亦吃到其鮮味。

0

赤睦刺身 $680
刺身為厚切類，每一塊都晶瑩剔透，因為厚切的關係，入口很實在，而且赤睦魚肉質很綿身，配有特別的薑點酸汁，點後更能帶出刺身的鮮味。

0

吃完所有刺身後，廚師把魚骨拿去炸，整條魚骨被炸成金黃色，入口脆卜卜，又唔會好油膩，估唔到炸完魚骨都可以食，呢個方法非常好，可以食晒整條魚。

0

終於吃完刺身，開始吃熟食了。枱上有三款醬汁可點: 海鮮黑豉油、柚子胡椒酱、七味麺豉醬。

0

0

特上漁獲兵燒盛合(四人) $1196
入面有珍寶大蝦2隻、鮑魚4隻、白蜆2隻、榮螺2隻、帆立貝4隻同松葉蟹腳。海鮮全部都好新鮮，特別係鮑魚，識得郁嘅。

0

店員會喺隔離一面燒，亦都教你點樣食，將每件海鮮分成細細件比大家品嚐。

0

0

鮑魚燒完都唔韌，唔使點調味都好好吃。

0

0

珍寶大蝦肉質彈牙。

0

蜆肉大大粒，好爽口鮮甜。

0

蠑螺煮嘅時候落左海藻，清酒高湯，會帶少許苦澀，不過食落口好新鮮，仲可以飲埋啲汁。

0

0

食帆立貝嘅時候，店員仲分開咗兩種煮法，有牛油煮同清酒煮，個人比較喜歡牛油的煮法，因為經牛油煮後帆立貝非常香甜。

0

0

山之惠菇菌盛合錫紙燒 $88
入面有黑松露、冬菇、啡菇、雞髀菇、金菇同本菇，可謂菇的雜錦，店員把錫紙燒放在爐上面，不消一會兒錫紙便脹卜卜，打開錫紙充滿黑松露的味道，吃下很惹味。

0

薩摩雞釜飯 $118 
飯粒濕濕綿綿，吸收了雞肉及雜菜的精華，入口帶點雞的香味，是吃完燒物的飽肚之選。

0

柚子雪芭 $48
原個冰的柚子內盛載著雪葩，賣相好有趣，雪葩入口帶點點酸酸的柚子味，感覺很清新。

0

還有飯後甜點，好滿足。

漁獲浜燒

銅鑼灣軒尼詩道525號澳門逸園中心18樓