Google+ Followers

2016年4月9日 星期六

[飲食] 心血來潮吃潮菜


心夜來潮的相片 - 荃灣
三坡坊都幾多大排檔,行行吓見到呢間潮州嘢,比其他店舖乾淨,就決定今晚喺度解決。
心夜來潮的相片 - 荃灣
心夜來潮的相片 - 荃灣
心夜來潮的相片 - 荃灣
入到去同出邊嘅店舖係另一個世界,店內比一般大排檔整潔,木枱令人感覺帶點懷舊,又好有中國feel,食具亦有此店的名稱,另有一個茶坊比客人品茶。
心夜來潮的相片 - 荃灣
Menu製作精美,店內特色嘅菜都會有詳細嘅介紹,所以我哋都係揀啲推介既菜黎食。
正宗汕頭手打牛肉丸 - 荃灣的心夜來潮
正宗汕頭手打牛肉丸
心夜來潮的相片 - 荃灣
正宗汕頭手打牛肉丸 $36
牛肉丸圓look look,咬落感覺好實在而且彈牙,因為牛肉丸好結實足料,而且入邊會有牛肉汁滲出,唔同出邊空心嘅牛肉丸,手打果然唔同啲。
小米餃 - 荃灣的心夜來潮
小米餃
小米餃$22
小米餃的皮煙煙韌韌,好似粉果皮,細細粒,成粒放入口就最啱,入面嘅豬肉餡甜甜地,要趁熱食。
醬鹵鴨 - 荃灣的心夜來潮
醬鹵鴨
醬鹵鴨 $68
滷水醬汁嘅味道唔算好濃,但唔會好咸,就咁食唔使送飯已經OK,鹵鴨肉質嫩滑夠腍,脂肪比例較少,不過骨嘅份量較多。
醬醃膏蟹 - 荃灣的心夜來潮
醬醃膏蟹
心夜來潮的相片 - 荃灣
醬醃膏蟹 $88起
揀咗細隻,膏蟹真係好多膏,蟹肉食落口好似食緊啫喱咁,而且已經預先剝晒殼,食落都幾方便,不過味道比較鹹,適宜配白飯一齊食。
潮汕砂鍋粥 - 荃灣的心夜來潮
潮汕砂鍋粥
潮汕砂鍋粥 - 荃灣的心夜來潮
潮汕砂鍋粥
潮汕砂鍋粥 $160起
食潮州菜梗係要食返碗潮州粥,呢個砂鍋粥其實係自己配搭材料,最少消費$160,我就揀咗響螺片、元貝同埋蠔仔。
心夜來潮的相片 - 荃灣
一上枱仲係滾下滾下,自己再落芫茜調味,入邊都算幾多海鮮,蠔仔食落冇沙,元貝同螺片爽口。
粥底鹹香充足,而且好軟綿,又帶有海鮮嘅鮮甜味,果然無揀錯。
心夜來潮的相片 - 荃灣
成個砂鍋上,原來揀細個已經好大盤,最後我哋兩個人食咗成四五碗都食唔晒,算幾抵食。
心夜來潮的相片 - 荃灣
心夜來潮的相片 - 荃灣
留意到有免費潮汕功夫茶,我地點左普洱試吓,真係好特別,成個沖茶器俾晒我哋慢慢玩,咁大個女第一次自己咁樣泡茶,又好飲又好玩。

呢餐潮州菜真係又好食又抵食。


心夜來潮

荃灣三陂坊30號地舖