Google+ Followers

2016年4月2日 星期六

[飲食] 養生火鍋之選*


尚上下夏 - 養生雞煲火鍋的相片 - 尖沙咀
尚上下夏 - 養生雞煲火鍋的相片 - 尖沙咀
近排天氣又凍返,所以要打邊爐暖下胃,見到有間火鍋店個名幾有趣,尚上下夏,又有養身雞煲火鍋,就揀咗呢度。
尚上下夏 - 養生雞煲火鍋的相片 - 尖沙咀
尚上下夏 - 養生雞煲火鍋的相片 - 尖沙咀
Menu都好多選擇,有海鮮,有牛肉,全部都係散叫,湯底選擇有八種咁多,又有單鍋同鴛鴦鍋揀,揀配搭都幾多。不過飲品種類較少,而佢哋提供嘅飲品只係得熱茶。
尚上下夏 - 養生雞煲火鍋的相片 - 尖沙咀
打邊爐前有醬料提供,而醬芥係$12一位。
尚上下夏 - 養生雞煲火鍋的相片 - 尖沙咀
呢度嘅雞煲有得揀雞嘅唔同部位,鍾意食肉嘅可以揀雞髀雞胸,不過我哋就揀咗半隻雞嚟試吓。
尚上下夏 - 養生雞煲火鍋的相片 - 尖沙咀
尚上下夏 - 養生雞煲火鍋的相片 - 尖沙咀
雞煲單鍋(雞半隻) $138
因為諗唔到另外再揀咩湯底,所以大家決定淨係要單鍋。雞煲入邊好多香料,有莞茜、洋蔥、八角、花椒、豬皮同娃娃菜,辣度揀咗BB辣,又唔算好辣,不過越食越辣,仲帶少少麻辣,雞煲內的雞肉幾滑而且啖啖肉,雞煲味道好濃好惹味。
尚上下夏 - 養生雞煲火鍋的相片 - 尖沙咀
入邊嘅豬皮吸收晒雞煲嘅精華,好入味又爽口。
尚上下夏 - 養生雞煲火鍋的相片 - 尖沙咀
手切極品靚牛皇 $298
揀咗碟最靚嘅牛,又真係幾靚喎!好多雪花紋,切開細細塊,放落湯底煮好快就熟,入口唔會好韌,而且好有牛味。
尚上下夏 - 養生雞煲火鍋的相片 - 尖沙咀
海龍王併盤(四位用) $698
因為我哋有六人,所以就揀咗個海鮮拼盤,入面有珊瑚蚌、蟶子皇、新鮮鮑魚、花膠桶、生猛海蝦、帶子皇、桂花蚌同花甲皇。拼盤一黎到真係好壯觀,勁大盤而且鋪滿新鮮嘅海鮮,珊瑚蚌好滑,蟶子皇可能煮得耐得制,有少少韌有d咬口,鮑魚細細隻煮完都唔韌,花膠就好滑,吸收哂湯底嘅味道,滋潤又養顏,海蝦好大隻,肉質好結實同彈牙,帶子皇,桂花蚌同花甲都夠晒新鮮,食落都幾爽口。
尚上下夏 - 養生雞煲火鍋的相片 - 尖沙咀
健康什菜籃 $68
有好多唔同種類嘅蔬菜,又有菇又有菜,如果份量多啲更加好,因為食得太多肉類了。
尚上下夏 - 養生雞煲火鍋的相片 - 尖沙咀
炸魚皮 $48
脆卜卜嘅炸魚皮,朋友嘅至愛。
尚上下夏 - 養生雞煲火鍋的相片 - 尖沙咀
鬼馬墨魚 $58
其實係油炸鬼再加墨魚滑,本身應該好好食,但係店員冇提我地原來要將油炸鬼反轉,墨魚滑向下,我哋結果將成舊嘢就咁浸落湯底度,搞到油炸鬼林晒,不過都食得出墨魚滑好爽口,有墨魚味,如果食得啱應該幾好食。
尚上下夏 - 養生雞煲火鍋的相片 - 尖沙咀
招牌手打四寶丸 $98
有四種丸: 墨魚丸、鯪魚丸、蝦丸、豬肉丸,由師傅手打,圓look look,我試左蝦丸同豬肉丸,都幾爽口,好快就煮熟,不過價錢有點貴。
尚上下夏 - 養生雞煲火鍋的相片 - 尖沙咀
稻庭烏冬 $48
烏冬好滑溜,食落又有少少彈牙。
尚上下夏 - 養生雞煲火鍋的相片 - 尖沙咀
四川苕粉 $38
出邊好少有呢種粉食,入口煙煙韌韌,好似食緊薄身嘅年糕一樣,而且苕粉好快吸收左湯嘅精華,食落口都甜甜地辣辣地。

開開心心又一餐


尚上下夏 - 養生雞煲火鍋

尖沙咀山林道23號地下