Google+ Followers

2016年1月4日 星期一

[飲食] 生日快樂之深宵食堂

今日係我老公既生日,本身都冇plan到食乜好,不過最後都比到驚喜佢。

老公話唔係好肚餓,最好食d唔係太飽肚既,行行下見到深宵食堂,之前試過銅鑼灣嗰間幾好味,燒烤類應該唔會好頂肚,所以就揀左呢間
深宵食堂的相片 - 尖沙咀


室內座位唔算多,不過設有露天座位,出面坐都幾有feel~ 我地就坐左喺室內。
深宵食堂的相片 - 尖沙咀


打開餐牌有各式各樣既燒物,肉類,蔬菜款式亦都很多,另外可以揀主食,一品料理同炸物,同一樣野可以有唔同整法
深宵食堂的相片 - 尖沙咀
都幾多選擇,我地點左好多野。

青蘋果梳打

青蘋果梳打 - 尖沙咀的深宵食堂
青蘋果梳打


青蘋果梳打 $28

先來一杯飲料,飲落幾清新,酸酸甜甜,用黎伴串燒一流。

8吋蒜蓉大虎蝦

8吋蒜蓉大虎蝦 - 尖沙咀的深宵食堂
8吋蒜蓉大虎蝦


8吋蒜蓉大虎蝦 $98

蝦肉新鮮彈牙,燒完都仲保持到唔會乾身,啖啖肉,蒜味令蝦更香口,蝦頭亦大大隻有膏,唯價錢不便宜。

黑松露牛油帆立貝

黑松露牛油帆立貝  - 尖沙咀的深宵食堂
黑松露牛油帆立貝


黑松露牛油帆立貝 $68

帆立貝上沾上黑松露,令到帆立貝變得好香,而且帆立貝亦好新鮮,食得好滋味。

一口牛

一口牛 - 尖沙咀的深宵食堂
一口牛


一口牛 $68

共有2串,每串有數粒大粒牛肉,下面插住舊薯仔(唔知食唔食得,最後冇食到),好似兔子咁好得意,牛肉串燒出黎色澤均勻,牛味濃郁,咬落很Juicy,而且牛粒很嫩滑,好食

芝麻雞翼

芝麻雞翼 - 尖沙咀的深宵食堂
芝麻雞翼


芝麻雞翼 $48

雞翼炸成金黃色,入口好香脆,雞翼肉汁豐富,芝麻味令雞翼更加惹味。

煙肉荔枝卷

煙肉荔枝卷 - 尖沙咀的深宵食堂
煙肉荔枝卷


煙肉荔枝卷$38

見好特別所以點左,煙肉好厚身,包住粒粒荔枝,荔枝比較失色,因為不夠多汁,感覺像是吃煙肉串燒般,煙肉則烤得剛剛好,不會太咸。

深宵薄餅

深宵薄餅  - 尖沙咀的深宵食堂
深宵薄餅


深宵薄餅 $88

薄餅份量都幾多,上面灑滿木魚,以及沙律醬+燒餅醬,賣相都幾吸引,切開後發現餅底有童星點心麵,令到外層好香脆,薄餅肉餡料亦好多,值得推介。

芝士蟹肉玉子燒

芝士蟹肉玉子燒 - 尖沙咀的深宵食堂
芝士蟹肉玉子燒


芝士蟹肉玉子燒 $68

剛好老公生日,試試問問店員可否把"深宵"兩字改為"生日快樂",原來可以,順便比個驚喜老公,比老公切下"生日玉子燒"

切開後半溶既芝士微微漏出黎,入面有芝士味同蛋香,蟹肉味不算太濃,似食緊奄列,玉子比較滑溜。

日式炒手打烏冬

日式炒手打烏冬 - 尖沙咀的深宵食堂
日式炒手打烏冬


日式炒手打烏冬 $38

烏冬好彈牙,配有好多蔬菜,有陣黑椒味道,而醬汁就甜甜地,食完夠飽肚。

上菜速度頗快,整體不錯,食物多元化又創新,下次有朋友生日可以再黎食過。


深宵食堂
尖沙咀厚福街12號藍馬商業大廈5樓